Një ngjarje e rëndë ka ndodhur në Bergamo të Italisë ku një 20 vjeçar shqiptar është vrarë me mjete të forta dhe më pas është hedhur në një kanal.
Mësohet se trupi i pajetë i 20 vjeçarit është gjetur nga një kalimtar i rastit në një provincë në komunën e Naviglio.
Policia dyshon se vrasja e të riut Erion Morina mund të ketë ardhur pas një sherri të ashpër.
Mësohet se i riu ishte me origjinë nga Malisheva e Kosovës. Po ashtu, karabinierët kanë arrestuar një burrë shqiptar nga Kosova, i cili dyshohet se kishte konflikt me Morinën e dyshohet për ekzekutimin.
Policia e Italisë ka zbuluar se si agresori ashtu edhe viktima kanë pasur një sherr fizik midis tyre përpara se 20 vjeçari të goditej ndoshta me një shishe ose kaçavidë në pjesën e pasme ose në kokë. 20-vjeçari është tërhequr zvarrë për 50 metra në rrugë dhe nuk është e qartë nëse gjatë kësaj kohe ishte gjallë apo kishte ndërruar jetë.
Në vendngjarje janë gjetur gjurmë gjaku, që mund të ndihmojnë karabinierët të gjejnë autorin e krimit. Trupi i djaloshit nga Kosova u dërgua në morg ku do t’i nënshtrohet autopsisë për të përcaktuar shkaqet e vdekjes.
