Një 60 vjeçar ka ndërruar jetë në biznesin e tij në Fier teksa është goditur në kokë nga një pirun, që shërben për lëvizjen e materialeve.
Policia bën me dije se ngjarja e rëndë ka ndodhur në vendin e quajtur Kthesa e Patosit, në një biznes që merrej me grumbullimin e skrapit.
Njoftimi i policisë:
Fier / Informacion paraprak
Rreth orës 13:45, shtetasi F. H., 60 vjeç, banues në Fier, në afërsi të kthesës së Patosit, në ambientet e punës së tij (pikë grumbullimi për skrap), është dëmtuar me mjet tip “Pirun” në kokë dhe për pasojë ka ndërruar jetë.
Grupi hetimor po punon për zbardhjen e rrethanave të ngjarjes.
