Një ngjarje e rëndë është shënuar në Sarandë, ku një e moshuar është mbytur në liqenin e Butrintit. Policia bën të ditur se viktima është identifikuar si V. B., rreth 70 vjeçe.
E moshuara dyshohet se është mbytur aksidentalisht në vendin e quajtur Manastiri”, Ksamil. Sakaq, vijon puna për zbardhjen e plotë të rrethanave të ngjarjes.
“Më datë 16.06.2022, rreth orës 14:17, në vendin e quajtur “Manastiri”, Ksamil, dyshohet se është mbytur aksidentalisht, në liqenin e Butrintit, shtetasja V. B., rreth 70 vjeçe. Grupi hetimor ndodhet në vendngjarje dhe po punon për zbardhjen e rrethanave të ngjarjes”, thuhet në njoftimin e policisë.
