Ish-kryeministri Sali Berisha ka publikuar një denoncim befasues në Facebook.
Një qytetar i shkruan kreut të PD-së, për “killerin” me pagesë Nuredin Dumani, i cili ndodhet në burg për një sërë veprash penale.
Në mesazh, ai shprehet se Nuredin Dumani po shijon pushime në Golem, i shoqëruar nga forcat e policisë.
“Nuredin Dumani në Golem. Qytetari dixhital informon pas mesnate!
Lexoni mesazhin e tij. sb
Mirmbrëma Doktor Berisha më fal shumë për shqetësimin në këtë orë të vonë (ora ishte 12:30) por Nuredin Dumani ndodhej në këto momente në Golem tek Lokal Hotel Bonita i shoqëruar nga forcat e policisë. Në plazh në mes turistëve. E shoqëruan nga ambjenti ku ishte pasi në plazh u mbyll çdo lloj aktiviteti policia e mori nga aty.
E pashë me sytë e mi bashkë me bashkeshortin në këto momente. Me falni ju lutem për këtë orë të vonë!
Më falni ju lutem se harrova këtë detaj po ecte rrugëve si një person normal pa pikë frike dhe problemi me çantë në krahë. Bluzë të veshur me viza me kolore të theksuara.”-shkruan Berisha.
