Thuajse pas një jave nga ngjarja e rëndë ku e moshuara Liljana Sema ndërroi jetë nga i ftohti ekstrem, pasi OSHEE i kishte ndërprerë energjinë elektrike, ka ardhur një reagim zyrtar nga qeveria.
Ministria e Infrastrukturës dhe Energjetikës, Belinda Balluku ka reaguar për çështjen, duke kërkuar që ngjarja të mos politizohet dhe hequr përgjegjësinë nga qeveria.
“Energjinë ia kishin prerë që nga janari 2020, mos e politizoni. Ia kishin ndërprerë energjinë për prapambetje për 1200 lekë. Nuk i përmenda djemtë e saj sepse e kanë në ndërgjegjie siç kam edhe unë prindërit e mi”, ka deklaruar Balluku.
Por të afërmit, pretenduan se 66-vjeçarja i kishte paguar dritat deri në muajin dhjetor, e megjithatë energjia i ishte ndërprerë, duke mos i lënë mundësinë që të kishte qoftë dhe një ngrohëse për të përballuar ditët e acarta që përfshinë vendin, duke akuzuar OSHEE për këtë ngjarje.
