Kjo jave do të jetë shumë e rëndësishme për këngëtaren Edea Demaliaj, të cilën të gjithë e kujtojmë si fituesen e X- Factor 2015. Ajo ndjek studimet për Gazetari dhe Psikologji ne Universitetin Amerikan të Bullgarisë.
Përtej studimeve ajo i dedikon shumë kohë, e dashuri edhe fushës së artit. Dritare.net mëson se, Edeas i është besuar roli kryesor në rock musical “ Spring Awakening “ ku ka performuar në krah të pedagogëve të saj.
Suksesi i kësaj patente të Broadway është shpërndare në mbare botën.
Producentët duket se e kane spikatur talentin e Edeas, talent i cili u zbulua fillimisht në skenën e Festivalit Kombëtar të Fëmijëve në Shkodër, ku artistja ka qenë pjesë e tij për 10 vite radhazi.
Duke pritur të tjera suksese mbarëkombëtare të Edeas, i urojmë të na bëjë krenarë në çdo hap të mëtejshëm.
http://dritare.net/e-mbani-mend-edean-e-x-faktor-ja-ku-eshte-tani/
