Mbulohet me mister vrasja e 68-vjeçarit Petraq Gjika, nga Grecallia e Fierit, i cili punonte si roje në një serrë në Mbrostar të Fierit. Edhe pse kanë kaluar mbi 24 nga kjo ngjarje e rëndë, policia nuk ka nxjerrë ende asnjë informacion të ri mbi këtë ngjarje dhe nuk bën në dije për të ndaluar të dyshuar për këtë vrasje.
Mësohet se ditën e djeshme deri në mbrëmje vonë Policia e Fierit ka shoqëruar mjaftë banorë të zonës Mbrostar dhe Vajkan, të cilët mund të kenë dijeni për ngjarjen. Të njëjtat burime bëjnë të ditur se në polici janë shoqëruar dy barinj nga Vajkani dhe pasi kanë dhënë dëshminë e tyre janë liruar.
Ndërkohë edhe banorë të tjerë të shumte janë pyetur lidhur me këtë ngjarje, që mund të kenë pasur kontakte gjatë mbrëmjes ose natës së ngjarjes.
Shumica e banorëve kanë dhënë dëshmitë dhe janë larguar. Por ka mbetur ende në polici, një roje e një prej lokaleve të zonës, që ndodhet buzë rrugës së vjetër Vajkan – Ardenicë, pranë serave ku bënte rojen Petraq Gjika, i cili dyshohet se mbrëmjen e ngjarjes së djeshme, ka qenë me të ndjerin dhe dyshohet se mund të kenë konsumuar pije alkoolike së bashku.
