Një apo disa video erotike? Zyrtarë të përfshirë së bashku me agjentin e FBi McGonigal? Duket se ka qenë kjo teza që ka hedhur kreu i PD Sali Berisha duke shkaktuar debate të ashpra në parlamentin, që finalizoi me ndërperjen e seancës së sotme.
Po a ka një video dhe çfarë ndodh në të? Duket se Berisha u shpreh qartë se nuk do të ndante dhe publikonte materiale të tilla që mbërrinin në celularin e tij, ndërkohë që në studion e “Opinion”, gazetari Blendi Fevziu pyeti mbi këtë argument,deputetin Luçiano Boçi.
Pjesë nga intervista
Blendi Fevziu: Kjo është pjesë e kuriozitetit njerëzor, sidomos kur në atë video përfshihen njerëz politikë.
Luçiano Boçi: Vetë zoti Berisha e ka sqaruar, ka thënë që ju doni ta mbuloni skandalin. Qëllimi kryesor nuk është që të nxirret një video erotike qoftë dhe ajo e disponueshme, skandali është prapë aty.
Blendi Fevziu: Ti e ke parë Luçiano?
Luciano Boçi: Blend, unë merrem me politikë dhe…
Blendi Fevziu: Mirë se kuriozitet është ajo. Unë do e kisha parë me thënë të drejtën.
Luçiano Boçi: Ka kanale, televizione nëse ka kuriozitet…
Blendi Fevziu: Po flasim për një video me rëndësi politike, jo ashtu…
Luçiano Boçi: Rëndësia politike e videos është sekondare në raport me skandalin politik. Fokusohemi te pjesa e skandalit, këto elementë rrisin kuriozitetin por heqin vëmendjen skandalit. Kjo është çështje e korruptimit.
Blendi Fevziu: Kjo është shumë e rëndë, jo vetëm për Shqipërinë por, edhe SHBA-në, nëse një zyrtar korruptohet qoftë me seks, para apo forma të tjera.
Luçiano Boçi: Faktet kanë dalë, korruptimi ka ndodhur.
