Një shtetas anglez është gjetur pa shenja jete në banesën në Sarandë. Bëhet e dije se ai është gjetur nga punonjësit e vilës ku kishte marrë me qira një apartament një ditë më parë. Shtetasi A. G nga Anglia , 64 vjeç, dyshohet se ka ndërruar jetë për shkak të arrestit kardiak.
Gjithsesi grupi hetimor po punon për sqarimin e rrethanave të ngjarjes. Bëhet me dije se është njoftuar Ambasada Britanike për të vënë në dijenie familjarët e viktimës dhe për të tërhequr trupin e tij. Sakaq, kujtojmë se në vendin tonë kanë ndodhur dhe më parë raste të tilla ku turistë të moshuar vijnë të vetëm të vizitojnë vendin tonë, por gjendja e tyre jo e mirë shëndetësore ndodh që të rezultojë fatale për ta.
