Autoritetet meksikane kanë zbuluar një varrezë me 59 trupa të pajetë pranë qendrës së Guanajuato.
Sipas tyre ata ishin njoftuar prej dy javësh për vendndodhjen e varrezës dhe kishin më shumë se 8 ditë që kishin nisur kërkimet.
Ekipi me rreth 80 forca policie mori pjesë në kërkimin e trupave të pajetë. Karla Quintana, shefja e operacionit të kërkimit të trupave u shpreh se “Ky është një akt i luftës midis kartelave të drogës sepse të gjithë viktimat kishin shenja në trup dhe këmbët dhe duart i kishin të lidhura”.
Ajo gjithashtu shtoi se numri i viktimave mund të jetë më i lartë sepse mund të ketë varreza të tjera pranë. Midis viktimave ishin dhe 15 gra.
Më shumë se 293 mijë njerëz kanë humbur jetën që nga viti 2006 kur qeveria mori vendimin që t’i luftonte kartelet e drogës nëpërmjet ushtrisë.
