Aktori i njohur i telenovelave Ferdinando Valencia po kalon ditët më të vështira të jetës së tij. Ai u bë prind i dy vogëlushëve Dante dhe Tadeo para 12 javëve, por fatkeqësisht njëri nga vogëlushët ka ndërruar jetë.
Vogëlushi Dante u diagnostikua me meningjit që në ditët e para të jetës dhe e ka kaluar gjithë kohën në spital, ndërkohë Tadeo gëzon shëndet të plotë.
Lajmin e hidhur, aktori e ka ndarë me ndjekësit në një postim në Instagram.
“Teksa ti ikën të siguroj që do të më mungosh. Lamtumirë Dante! Lamtumirë dashuria ime”, -ka shkruar Valencia përkrah një fotoje ku shfaqet me të birin.
Ky njoftim është shoqëruar me mesazhe të shumta ngushëllimi nga fansat, por edhe nga aktorë të tjerë të famshëm si: William Levy, Marlene Favela, Ingrid Martz, Sabine Moussier etj.
