Kanë rinisur mëngjesin e së martës kërkimet për gjetjen e trupit të Tefik Xhikës, 47-vjeçarit që është mbytur në lumin Drin. Kërkimet po bëhen nga banorë të zonës, familjarë dhe policia.
Prej dy ditësh është kërkuar ndihma e polumbarëve me mjete të specializuara, gomone me motor. Megjithatë, deri në këto momente nuk kanë konfirmuar ardhjen. Ditën e sotme janë ndërprerë reshjet dhe prurjet e lumit Drin nuk janë në sasitë e mëdha të ditës së djeshme, çka mund të favorizojë sado pak për gjetjen e tij.
Kujtojmë se Xhika e kishte lënë makinën tek lokali i fshatit Fushë-Alie dhe kishte shkuar për të peshkuar në lumin Drin. Siç shihet nga pamjet një palë atlete janë në buzë të lumit, që dyshohet se 49-vjeçari i ka hequr para se të nisë peshkimin.
Dyshimet janë që Tefik Xhika të ketë rënë në ujërat e lumit Drin i Zi ndërsa peshkonte në breg.
