Bilanci i aksidentit që ndodhi orët e para të mëngjesit të sotëm në autostradën Tiranë-Durrës ishte tragjik: dy vajza humbën jetën dhe drejtuesi i automjetit është në gjendje të rëndë. Ashtu sic duket dhe nga pamjet e vendngjarjes, përplasja me trafik-ndarësen ka qenë fatale.
Sipas informacioneve, 26-vjeçari Arbër Tivari ka humbur kontrollin e automjetit ndërsa udhëtonte në këtë zonë. Automjeti është shkatërruar thuajse plotësisht, ndërsa për pasojë humbën jetën dy pasagjeret në automjet. Viktima wshtw 26-vjeçarja Silva Gjergji dhe një vajzë tjetër e cila ende nuk është identifikuar. 26-vjeçari Tivari ndodhet aktualisht në spital në gjendje të rëndë shëndetësore.
