Detaje të reja dalin në dritë nga zhdukja e dy të miturve në Elbasan, ku mësohet se këta të fundit kanë udhëtuar drejt Tiranës në zonën e Qytet Studentit. Ka qenë taksisti që i ka shoqëruar që ka dhënë dëshminë e tij duke thënë se i ka sjellë dy të miturit ditën e hënë në Tiranë, dhe rreth orës 13:00 i ka zbritur në zonën e “Qyteti Studentit”.
Kujtojmë se prej ditës së premtes dy fëmijë të moshës 15 vjeç, djalë dhe vajzë, nxënës në klasën e 9 në shkollën “Jorgji Dilo” në Elbasan kanë humbur kontaktet me familjarët.
Adoleshentët kanë shkuar në shkollë si çdo ditë, por nuk janë kthyer më në banesë. Familjarët kanë denoncuar në polici rastin, por ende nuk kanë gjetur asnjë gjurmë. Dy fëmijët mësohet se kanë pasur një lidhje dashurie mes tyre, por kundërshtia e familjarëve i ka bërë ata të vendosin të largohen nga banesa.
