Një ngjarje e rëndë ka tronditur sot qytetin e Kuçovës.
Një punonjëse pastrimi e kompanisë “Viola Green” ka hipur në majë të një shtylle pranë ish-Uzinës së Kuçovës dhe ka kërcënuar se do t’i japë fund jetës, pasi prej dy muajsh nuk ka marrë pagën.
Pamjet e ngjarjes janë shpërndarë në rrjetet sociale nga Lefter Maliqi, i cili ka reaguar ndaj kryetarit të Bashkisë, Kreshnik Hajdari duke e akuzuar për paaftësi dhe korrupsion.
Sipas tij, kompania “Viola Green” ka përfituar tendera me vlerë mbi 1.7 miliardë lekë, ndërsa punonjësit janë lënë pa paga dhe disa prej tyre janë pushuar nga puna.
Postimi i Maliqit
E rëndë! Po ndodh tani ne Kuçovë! Punonjësja e pastrimit në Kuçovë ka hipur në majë të kullës tek ish Uzina Kuçovë dhe po tenton të hidhet, t’i jap fund jetës, pasi kanë dy muaj pa marr pagat, raste të përsëritura dhe Kryetari i Bashkisë, i paafti, i dënuari, abuzuesi nën hetim nga “SPAK”, Hajdari i cili i ka dhënë mbi 1 Miliardë e 700 Milion “Tender Korruptivë kompanisë “Viola Green” dhe sot i kanë pushuar nga puna sepse kërkojnë pagat dhe të drejtat e tyre. “SPAK” ende hesht, pasi për “Viola Green” dhe Hajdarin ka kallëzim në “SPAK”. Turp, skandal, Kuçova si Mesjetë me qenë e plehra, si germadhë po sakrifikon dhe jetën e punonjësve të vet. Ndëshkim Ligjor për këta të korruptuar!Një punonjëse e pastrimit në Kuçovë ka hipur në majë të kullës tek ish Uzina Kuçovë dhe po tenton të hidhet e t’i japë fund jetës.
