Eduard Duro, fituesi i zgjedhjeve të 30 qershorit për Bashkinë e Devollit ja ka dalë të ulet në karrigen e kryetarit të kësaj bashkie.
Duro ka shfrytëzuar momentin kur kryetari demokrat Bledjon Nallbati ishte larguar nga ambientet e Bashkisë, dhe i shoqëruar me persona të tjerë thyen bravën e derës së zyrës dhe hynë forcërisht brenda.
Nga karrigia e kryetarit, Duro ka dhënë edhe mesazhet e para. Ai tha se puna në këtë Bashki do të vijojë normalisht.
“Stafi i Bashkisë do të jetë i njëjtë, askush nuk do të largohet. Nuk do të ketë largime politike. Nallbati nuk denjoi të më dorëzonte zyrën. Më në fund u mbyll një proces i gjatë”, tha Duro.
