Ish-deputeti, Lefter Maliqi thekson se aksioni opozitar kërkon një qasje të re, më agresive dhe të përshkallëzuar, duke kaluar nga protestat simbolike në një revoltë të mirëfilltë popullore.
Maliqi tha se strategjia aktuale është e pamjaftueshme për të rrëzuar regjimin e Ramës. Ai shkon deri aty sa sugjeron një marshim drejt Surrelit, ku ndodhet banesa e Kryeministrit, madje nuk përjashton edhe ngritjen e një çadre aty pranë.
“Në protestat e fundit, pra në fillimisht para dy protestave, jo këto të parlamentit, me një fjalë unë kam dalë në studio dhe kam thënë hiqni dorën nga fjalimet, hiqni dorën nga dritat. Me një fjalë se i lodhët njerëzit dhe me radhë. Tani ka ardhur koha për veprim.
Po unë jam për përshkallëzim. Dy protestat e fundit, siç qe edhe ajo te Vila 31 e me radhë, me një fjalë për mua duhet më shumë, duhet më shumë revoltë.
Me një fjalë, unë pres në data 22 të jetë edhe revoltë edhe më e madhe, sepse dhe vendimmarrje më të mëdhaja, në mënyrë që protestat të jenë më të qëndrueshme. Unë kam qenë nga ata që kam thënë që të marrim marshimin edhe në Surrel, edhe atje, se ka livadh atje dhe mund të rrimë, marrim dhe bukë me djathë e me ullinj e domate dhe rrimë atje, e me radhë.
Rrimë edhe në shesh se tani është pranverë. Nuk është më problem”, u shpreh Maliqi.
