Dua Lipa pas debutimit të parë në industrinë e filmave ka arritur të rrëmbejë vëmendjen e producentëve duke i siguruar asaj një biletë për të qenë pjesë e filmave të tjerë. Këtë herë ylli i muzikës Dua Lipa do të pushtojë Hollywoodi-n pasi mori një film në rolin e filmin “Barbie” krah Margot Robbie.
26-vjeçarja është një nga yjet më të suksesshme në histori dhe konsiderohet si një nga personazhet më “in” të momentit. Filmi do të nisë xhirimet më vonë këtë vit në Mbretërinë e Bashkuar dhe Dua do të luajë së bashku me aktoren e “Wolf Of Wallstreet”, Margot.
Këngëtarja me origjinë shqiptare bëri debutimin e saj në aktrim vitin e kaluar pasi mori një rol në “Argylle”, dhe pas rolit të saj të parë në ekranin e madh, Dua la mjaft përshtypje te emrat e mëdhenj të industrisë.
“Tani ajo i është bashkuar kastit të Barbie së bashku me emra të mëdhenj duke përfshirë Margot, Ryan Gosling, Will Ferrell dhe Saoirse Ronan. Edhe pse Argylle është një film i madh në vetvete, Barbie do të jetë një pjesë e rëndësishme për Duan, sepse ka kaq shumë zhurmë rreth tij. Dua po dëshmon se ka shumë më tepër për të sesa thjesht të qenit një yll i muzikës pop. Ajo ka një të ardhme emocionuese përpara saj në filma”.-shprehet një burim për The Sun.
Kjo vjen pas Lipa ka shijuar arena të mëdha në Mbretërinë e Bashkuar dhe Irlandë, ShBA e Evropë që nga fillimi i turneut të saj “Future Nostalgia” në shkurt.
