Drejtori i Përgjithshëm i Rezervave Materiale të Shtetit Paulin Luli ka dhënë dorëheqjen nga detyra dhe këtë lajm e ka bërë të ditur përmes një videomesazhi të publikuar në rrjetet sociale.
Luli thekson se gjatë kohës që ka qenë në krye të këtij posti ka dhënë kuntribut maksimal dhe se ka kryer me përgjegjësi detyrat e ngarkuara nga ligji për administrimin e mallrave rezervë shteti si dhe detyrimeve për t’u ardhur ne ndihmë familjeve në nevoje, veçanërisht atyre të prekura nga termeti i 21 shtatorit dhe 26 nëntorit të vitit 2019.
“Për të gjithë ata që janë të paqartë ndoshta më qëllim si dhe ata që janë kureshtarë të dinë më shumë sqaroj se: Kam dhënë dorëheqjen me vullnet të plotë nga detyra si Drejtor i Përgjithshëm i Rezervave Materiale të Shtetit.
Gjatë gjithë kohës në detyrë kam dhënë kuntribut maksimal dhe kam kryer me përgjegjesi detyrat e ngarkuara nga ligji për administrimin e mallrave rezervë shteti si dhe detyrimet ligjore për tu ardhur ne ndihmë familjeve në nevoje, veçanerisht atyre të prekura nga termeti i 21 shtatorit dhe 26 nëntorit të vitit 2019.
Realizuam me sukses dhe përkushtim më nëtë të tëra pa gjumë dhe me orare të stërgjatura me sa mundësi që patëm pritshmëritë e banorëve te zonave të prekura nga termeti dhe menaxhuam më standarde të larta ndihmat humanitare të ardhura nga shumë vënde të botës”, thotë ai.
Reagimi i plotë:
https://www.facebook.com/paulin.luli/videos/2655128261201948/?t=0
