Drejtoresha e Spitalit të Skraparit ka rezultuar pozitive me koronavirus. Mësohet se drejtoresha e spitalit kishte shfaqur shenja të dukshme të infektimit dhe për këtë arsye ka kryer edhe tamponin.
Mjekja kishte temperaturë të lartë dhe është e karantinuar në banesë, ku po merr edhe trajtimin mjekësor me medikamente dhe oksigjen.
“Pozitive” me Covid-19 rezulton të jetë edhe një infermiere e Spitalit Skrapar, e cila punonte në turn me drejtoreshën e spitalit.
Drejtoria e Shëndetit Publik Berat dhe Drejtoria e Higjenës komfirmojnë se është kryer dezinfektimi i ambjenteve të Spitalit Skrapar si dhe janë mbyllur për një periudhë 2-javore disa reparte të tij.
