Gjjatë homazheve të ditës së sotme në Bulevardin Dëshmorët e Kombit” në kujtim të viktimave të 21 janarit të vitit 2011 ishin të pranishëm edhe familjarët e Aleks Nikës nga Lezha.
Xhxhai i tij, Mark Nika, u shpreh përpara gazetarëve se pas vrasjes së Aleksit përpara 8 vitesh në Bulevard ka qenë shumë e vështirë për ta ardhja e tyre pasi iu jep të njëjtat emocione si 8 vite më parë.
“Pas vrasje së Aleksit këtu në Bulevardin “Dëshmorët e Kombit” ne ndjejmë të gjithë ato emocione dhe e kuptoni se sa të vështirë e patëm për të ardhur kur ne nuk kemi realizuar premtimin ndaj tij. Drejtësia na preu në besë. Por sot erdhëm se ne shohim në horizont një shpresë se drejtësia po tenton ta hetojë këtë ngjarje. Dhe besoj se SPAK, dhe BKH do ta zbardhin çështjen që autorët dhe urdhëruesit të shkojnë përpara drejtësisë,” – u shpreh Mark Nika.
/FAXWEB/
