Prokuroria e Krimeve të Rënda ka vendosur sekuestrimin e pronave ndaj ish-deputetit socialist, Arben Ndoka.
Mësohet se Ndokës i janë sekuestruar toka edhe në zonën Rana e Hedhun, Laguna e Lezhës, si edhe disa apartamente në plazh të cilat kapin vlerën 40 milion euro.
Sipas prokurorisë e gjithë kjo sipërfaqe toke në bregdet është përfituar duke faklsifikuar dokumentet në mënyrë të jashtëligjshme.
Sekuestrimet janë pjesë e hetimeve të nisura në vitin 2016 për dosjen “339”, ku u sekuestruan fillimisht 300 mijë metra katrorë tokë në bregdetin e Lezhës, në vendin e quajtur Mali i Rrenzit në Shëngjin.
Aktualisht Arben Ndoka ndodhet në arrest shtëpie, teksa u arrestua disa muaj më parë në kuadër të operacionit “Volvo 4’, ku u goditën 4 grupe kriminale, midis të cilëve edhe fisi Avdylaj në Shijak, si dhe ish drejtori i Përgjithshëm i Burgjeve, Arben Çuko.
