Disa familje të zonës së Sharrës në Tiranë kanë bërë një denoncim në Partinë Demokratike, pasi njerëzit e tyre të punësuar kryesisht si varrmihës në Ndërmarrjen e Shërbimit Funeral të bashkisë së Tiranës po kërcënohen me largim nga vendet e punës dhe zëvendësim nga militantë të Partisë Socialiste.
Ata shprehet se militantët janë shpërblyer edhe me shuma 100 – 150 euro në dorë nga shefi i varrezave të Sharrës, Agron Tafa.
Gjithashtu këto familje bëjnë thirrje të gjithë ata qytetarëve që iu premtohet punë në këtë varrezë: Mos bini pre e një vendi pune dymujor dhe të flakeni në mes të katër rrugëve mbas zgjedhjeve.
Ja si e përshkruajnë ata situatën në mesazhin e tyre:
“Agron Tafa, me funksion drejtor i varrezave Sharrë, në këmbim të votës ka hapur vende për punësim të njerëzve në nevojë të zonës së Sharrës. Zotëria në fjalë po takon njerëz nëpër banesa private dhe dërgon pako ushqimore dhe në këtë moment po bën edhe pazarin e votës së familjes. Me shpërblim nga 100 deri 150 euro dhe një të punësuar në varreza në Sharrës, ku në këtë moment dhe të punësuarit që ai disponon, po i kërcënon me vendin e punës duke iu kërkuar votën hapur në mbledhjet që organizon herë pas here madje edhe në çdo ndrrim turni.
I bëjmë thirrje, ne banuesit e zonës së Sharrës, drejtorit Agron Tafa, që të mos na kërcënojë prindërit tanë me vende pune dhe me 100 eurosha se koha e mashtrimeve dhe blerjeve ka mbaruar.
I kërkojmë komunitetit dhe njerëzve të ndershëm të Sharrës të mos bien pre e një vendi pune 2-mujor dhe të flaken në mes të katër rrugëve mbas mbarimit të zgjedhjeve.
Faleminderit nëse e publikoni këtë sms, se familjet e Sharrës po kërcënohen ditë për ditë nga ky drejtor, që ky as drejtor nuk duhet të jetë, por një njeri prapa hekurave.”
