Donald Trump betohet si presidenti i 45-të i Shteteve të Bashkuara përpara 900 mijë të pranishëmve në Capitol Hill.
Të pranishëm në ceremoninë madhështore kanë qenë edhe presidentë të Shteteve të Bashkuara ndër vite si George W. Bush, Bill Clinton, etj. Nuk ka munguar as rivalja e tij në zgjedhjet presidenciale, Hillary Clinton.
Miq amerikanë dhe miq të botës faleminderit. Ne qytetarët e SHBA jemi të gjithë në përpjekje kombëtare për të rindërtuat vendin tonë. Së bashku do vendosim rrjedhën e Amerikës dhe të botës për shumë vite. Do përballemi me sfida dhe kohë të vështira por detyrën do kryejmë. I jemi mirënjohës presidentit Obama dhe zonjës Obama se kanë qenë të mrekullueshëm gjatë këtij tranzicioni, faleminderit. Ceremonia e sotme ka rëndësi të veçantë. Sepse jo vetëm po kalojmë fuqinë nga një administrator në një tjetër, por fuqinë po e kalojmë tek ju, njerëzit. Për shumë kohë një grup i vogël në kryeqytetin tonë ka hequr rëndësinë e njerëzve dhe ka marrë pasurinë.
Një vizion i ri do qeverisë tokën sot nga kjo ditë. Amerika e para, nga sot do lëmë pas të shkuarën dhe do shohim nga e ardhmja. do mundohem që të përfitojnë punonjësit dhe familjet amerikane.
Mbrojtja do çojë në konspiritet dhe forcë, nuk do ju zhgënjej kurrë. Amerika do filloj të fitojë sërish si kurrë më parë, do të kthejmë në atdhe vendin e punës, kufijtë tanë, pasurinë tonë, ëndrrën tonë. Do ndërtojmë rrugë të reja, autostrada, tunele, ura në të gjithë vendin tonë të mrekullueshëm, do ndihmojnë njerëzit që të punojnë dhe të largohen nga banesat sociale. Amerikanët do të punësohen. Me mirëkuptimin se është e drejta e të gjithë kombeve të vendosin interesat e tyre, por ne do të shkëlqejmë për të gjithë.
Do riforcojmë aleancat, të unifikojmë popullin kundër terrorizmit që do e shfarosim. Kur hapni zemrën ndaj patriotizmit nuk ka hapësirë për paragjykim. Sa mirë është kur njerëzit e Zotit jetojnë bashkë në unitet. Të flasim dhe diskutojmë së bashku. Jemi të mbrojtur dhe gjithmonë do jemi të mbrojtur nga njerëzit e mrekullueshëm të ushtrisë dhe mbi të gjitha nga Zoti.
Ne qytetarët e Amerikës jemi bashkuar në një përpjekje kombëtare për të rindërtuar vendin tonë. Jemi këtu për të plotësuar premtimet që u kemi bërë amerikanëve. Ne jemi një komb dhe ëndrrat e qytetarëve janë ëndrrat tona dhe suksesi i tyre do të jetë suksesi ynë. Betimi që unë bëra sot është një betim për besnikëri ndaj amerikanëve për shumë dekada. Ne kemi mbështetur industrinë e huaj në kurriz të asaj amerikane, kemi ndihmuar ushtritë e huaja në kurriz të ushtrisë tonë, kemi mbrojtur kufijtë e të tjerëve në kurriz të kufijve tanë. Kemi bërë të pasura vendet e tjera, ndërsa fuqia e vendit tonë është zhdukur në horizont. Do të ketë një Amerikë të parën kudo. Çdo vendim për emigracionin dhe çështjet e huaja do të merret në të mirë të amerikanëve dhe ne do të mbrojmë vendin tonë nga ndërhyrjet e vendeve të tjera. Kjo do të na çojë drejt prosperitetit dhe një fuqie më të madhe. Nuk do t’ju zhgënjej asnjëherë. Ne do ta bëjmë Amerikën të madhe sërish! Faleminderit! Zoti ju bekoftë juve dhe Amerikën.
