Don Xhon, është përfshirë në një konflikt fizik gjatë një evenimenti në Bruksel. Siç duket edhe nga pamjet e siguruara , Don Xhoni tenton që të konfiktohet me dikë, ndërsa disa persona e mbajnë me zor nga krahët, teksa e nxjerrin jashtë.
Momenti i kapur me video nuk është shumë i qartë, por të pranishmit e tjerë në eveniment kanë sqaruar se reperi nuk është përplasur fizikisht por e gjithë situata ka degjeneruar në fyerje e ofendime, edhe pse mbetet ende e paqartë se me kë.
Rikujtojmë se vetëm disa ditë më parë, Majk i ka bërë “diss” Don Xhonit në një nga ‘freestyle’-t e tij. Ai ka përmendur faktin se Don Xhoni pati shkëlqimin e tij gjatë periudhës së karantinës, ku ‘freestyle’ i tij i parë u bë viral dhe numëron miliona klikime.
“Ke dhez pahiri, po mendon se ke mrri/ Dallojnë ata që dhezin dhe ata që shkruajnë histori”- thotë ai. “Po qysh ka dhez shpejt iu ka hy uji/ Menduat se u bëtë shpejt, por fama ju ka mashtruar” Më tej ai e akuzon për përdorim të ‘autotune’ duke thënë: “Kur pata nis nota të larta me këndu më patën kritiku/ 1 vjet më von reperat tu munu me bo të njëjtin sen me autotune.”
