A do të jenë domatet dhe trangujt “viktimat” e ardhshme të krizës energjetike? Nëse marrim parasysh efektet zinxhir në ushqim dhe energji, atëherë nuk duhet të habitemi nga rritja e çmimit të dy produkteve.
Situata është edhe më shqetësuese për ato vende që kultivojnë fruta dhe perime në serra (Holandë, Mbretëria e Bashkuar), të cilat kanë rritur nevojat për energji. Si rezultat, ata janë më të prekurat nga rritja e vazhdueshme e çmimeve të energjisë elektrike.
Sipas Federatës Britanike të Prodhuesve, fermerët do të duhet të përgatiten për një situatë të vështirë.
Çmimi i gazit, për më tepër, është rritur në të gjithë Evropën, pasi rritja e kërkesës ka çuar në rekorde të njëpasnjëshme të çmimeve të shitjes me shumicë. Sigurisht, në këtë fenomen, i cili ka efekte të ndryshme në ekonomi, faktorë të shumtë luajnë rol.
“Rritja e faturave të energjisë elektrike është një barrë e madhe shtesë për prodhuesit” tha Nigel Jenney, kreu i Fermerëve Britanikë.
Rreziku i rritjes së çmimeve për domate dhe tranguj është vetëm një aspekt i efekteve të krizës energjetike në industrinë ushqimore, veçanërisht në Mbretërinë e Bashkuar./
