Ka ndërruar jetë 19 vjeçarja, Nazlie Sherifi, e cila ishte duke u trajtuar në Qendrën Spitalore të Prishtinës.
Nazlie Sherifi nga Mitrovica në fund të jetës pati një fije shpresë, pasi i riu nga komuna e Deçanit, Valmir Aliçkaj deklaroi hapur se do t’i dhurojë veshkën të resë.
Pas njoftimit për vdekjen e Nalizes, Aliçkaj është shprehur shumë i dëshpëruar. Kryetari i Deçanit, Bashkim Ramosaj, ka njoftuar se ka biseduar me të riun, Aliçkaj dhe më pas ka bërë këtë postim në rrjetet sociale.
Postimi i plotë:
Para pak minutash ndërroi jetë vajza që bashkëvendasi ynë Valmir Aliçikaj, i shtyer nga humaniteti për të shpëtuar një vajzë 19 vjeçare doli vullnetar të ja dhuroj veshkën.
E takova dhe fola me Valin sot pas vdekjes së Nazlijes, ishte i dëshpëruar e tejet i mërzitur që nuk mundi të ja shpëtoj jetën!
Ngushëllime familjes!
/ABC/
