Pas tragjedisë së ndodhur në Himarë, reagimi publik ishte shumë i fortë dhe disa media akuzuan ministrin e Brendshëm, Bledi Çuçi se ishte pronari i vërtetë i sakfit që i mori jetën 7-vjeçares në Plazhin e Potamit. Menjëherë pas këtij lajmi, ka reaguar vet ministri Çuçi dhe përmes një një shkrimi shpjegues në Facebook, theksonte se nuk ka lidhje me asnjë biznes të tillë dhe së këto bëhen për konsum politik.
“Ka një përpjekje për të prodhuar fakte që të ilustrojnë akuzat e gatshme të Sali Berishës ndaj meje pas tragjedisë së fundit në Himarë. Për respekt të opinionit publik, që me të drejtë është i ngarkuar nga tragjedia e vajzës 7-vjeçare dhe dhimbja e familjes së saj, dua të sqaroj se sajesat me emrin tim dhe një shoqatë velierash sportive që kam krijuar me miq pasionant të tyre, nuk kanë lidhje me asnjë biznes dhe aq më tepër me skafe apo gomone. I hedh poshtë me neveri këto sajesa, pasi duan të keqpërdorin në mënyrë të neveritshme këtë ngjarje tragjike, për ta mbajtur gjallë për hallet e tyre politike” – shkruante ndër të tjera Çuçi në facebook.
Por mesa duket ministri Bledar Çuçi ka gënjyer sërish, pasi Gijotina.com ka arritur të sigurojë dokumentin ku fakton se ai është pronar i një kompanie që merret me skafe. Sipas dokumentit, shoqata është me emrin “Albanian Sailing Club” dhe me numër nipti L92026451I, ku pronar është ministri Bledi Çuçi.
Ky është një fakt i pakundërshtueshëm që nxjerr zbuluar ministrin e Brendshëm, Bledi Çuçi se ka gënjyer publikisht. E meqenëse njëra gënjeshtër e tij u zbërthye dhe mediat e akuzuan me të drejtë, shpresojmë që skafi që i mori jetën vogëlushes 7-vjeçare në Himarë, mos të jetë në pronësi të kompanisë së tij. Në të kundërt duhet të mbajë 2 herë përgjegjësi për tragjedinë që tronditi shqiptarët.
