Ish-kryeministri Sali Berisha e ka konsideruar ditëlindjen e 77-të që festoi sot si më të bukurën e jetës së tij.
I pranishëm në Korçë, aty ku mban sot foltoren e radhës me demokratët, Berisha i falenderoi demokratët për urimet e tyre dhe tha se i kishin bërë një dhuratë shumë të bukur.
“Të dashur demokrate dhe demokratë, dëshiroj të ulem me nderimin më të madh para qytetarëve të kësaj treve për rolin e tyre të jashtëzakonshëm në historinë tonë kombëtare të dijes të pushkës, të mendjes dhe çdo shqiptar ushqen për Korçën dhe trevat e kësaj zonë admirim dhe mirënjohjen e pakufijshme. Dhurata pa fund i kanë bërë gratë dhe burrat e këtij vendi, por sot më bëtë dhe mua një dhuratë që kurrë s’do ta harroj. Sot unë pata ditëlindjen më të bukur të jetës time. Ju falenderoj shumë,”- tha Berisha ndër të tjera.
Madje një i mitur, mbështetës i Sali Berishës në një moment i thotë ” Të dua shumë doktor” dhe ngre dy gishtash lartë.
