Para disa javësh, Dojna Mema ndau me ndjekësit lajmin se është në pritje të ëmbël për të parën herë. Në një pyetësor të zhvilluar ditën e sotme me ndjekësit në rrjetin social Instagram, Dojna ka treguar disa të pathëna lidhur me shtatzëninë e saj.
Meqënëse ajo dhe motra e saj janë të vetmet vajza në familje dhe nuk e kanë patur fatin të kenë një vëlla, moderatorja ka thënë se kur mamaja e saj e mori vesh lajmin dëshironte shumë që ajo të ishte në pritje të një djali.
“Një djalë në familje, si ndiheni? Jeni dy motra, mami, pa vëlla?-e pyet njëra nga ndjekëset.
“Mami dhe motra që kur e morën vesh për shtatzëninë, luteshin të ishte djalë. Ka munguar një çun në familje dhe babi e donte shumë. Ndërsa për mua është sfidë e madhe sepse nuk kam parë nga afër si është të rrisësh një djalë në familje.”- ka treguar ajo.
Një tjetër ndjekës e pyet se si si i ka marrëdhëniet me ushqimin dhe aromat.
“Nuk duroj dot aromën e qepës, pulës dhe vezës. Për të tjerat jam në rregull. Kam neps dhe për brumëra dhe fruta.”– ka rrëfyer moderatorja.
Ndërsa sa i përket zgjedhjes së emrit, moderatorja ka treguar se do dëshironte shumë një emër të thjeshtë, që tingëllon unik dhe se i kanë disa emra gati por ende nuk e kanë zgjedhur.
‘Më pëlqejnë emrat shumë të thjeshtë që tingëllojnë unik.Nuk më pëlqejnë emrat e sforcuar apo të sajuar vetëm për hir të të qenurit unik.Kemi disa emra ndërmend, por do ta zgjedhim kur të shohim bebin-ka thënë Dojna.
