Aktori i humorit Florian Binaj ka hedhur poshtë lajmet se është larguar nga programi ‘Portokalli’ për të krijuar një parti politike. Me anë të një postimi në Instastory, Binaj ka mohuar që kjo gjë që u raportua orët e fundit në shumë portale të jetë e vërtetë, ndërkohë që mediat i ka konsideruar ‘kundërmuese’ që bëjnë gjithçka për klikime. Sipas Binajt, kush e do të vërtetën e planeve të tij e merr vesh vetëm nga Instagrami dhe jo nga titujt që bëhen vetëm për klikime.
“Shoh lloj lloj port’halesh që shkruajnë që e kam lënë Portokallinë për tu bërë kryetar partie…Të dashur miq dhe mikesha, e para flini të qetë se po të ishte e vërtetë, do jua thojavetë, s’kam pasur kurrë frikë të them atë që mendoj! E dyta, arsyeja përse këto port’hale bëjnë tituj të tillë është që ju të hyni brenda dhe të lexoni, të shikoni reklamat të cilat sponsorizojnë këto port’hale! (punë klikimesh) E treta, nëse doni të dini të vërtetën mbi mua, merreni vesh nga Instagrami im, aty ku buron dhe jo aty ku kundërmon!”- shkruan Binaj në një postim në Instastory.
Paraditen e sotme mediat raportuan se Binaj ka ikur nga programi i ‘Portokallisë’ për të krijuar një parti politike. Lajmet erdhën pasi aktori u bë dhe pjesë e protestave të zhvilluara në Shqipëri kundër rritjes së çmimeve. Dyshimet lindën edhe kur u vu re mungesa e Binajt në promon e re të programit të humorit.
