Kryeministri Edi Rama, ka publikuar telefonatën që ka zhvilluar me presidentin e Ukrainës Volodymyr Zelensky. Nëpërmjet një postimi në Facebook, Rama thekson se i shprehu mbështetje maksimale presidentit dhe popullit ukrainas.
Ndër të tjera, Rama deklaroi se Zelensky ka falënderuar Shqipërinë për mbështetjen e saj dhe qëndrimin që ka mbajtur në Këshillin e Sigurimit.
“Sot pata një telefonatë nga Presidenti Zelensky, i cili më falenderoi për gjithçka Shqipëria po bën në këto ditë tragjike për popullin e tij, për Europën e për mbarë botën, duke nisur nga roli ynë si bashkëpenëmbajtës me SHBA në Këshillin e Sigurimit, tek ndihmat e dhëna për ushtrinë ukrainase, si edhe angazhimi intensiv në kanalet diplomatike me partnerë të rëndësishëm, në mbështetje të Ukrainës.I shpreha presidentit ukrainas të gjithë admirimin dhe solidaritetin e popullit shqiptar në Shqipëri e në Kosovë, me të dhe rezistencën ukrainase, si edhe vullnetin e plotë për të bërë gjithçka mundemi në përmasën tonë të vogël, që Ukraina të triumfojë në luftën e saj liridashëse”, shkruan Rama.
Biseda:
Rama: Hello, Alo..
Zelenskyy: Alo kryeministër, jam presidenti i Ukrainës
Rama: Zoti President si je?
Zelenskyy: Faleminderit kryeministër, për këtë telefonatë
Rama: Faleminderit ju, s’dua të përsëris atë që bota po thotë, po do doja të bëja shumë për ju dhe popullin tuaj. Uroj që të triumfoni.
Zelenskyy: Nëse doni që te triumfojmë dua t’ju them që ne kemi aftësinë tonë
Më herët, Zelensky deklaroi me kryeministrin shqiptar ka folur për sulmin rus në Ukrainë si dhe për bashkëpunimin në kuadër të OKB, ndërsa shton se vlerëson ndihmën e Shqipërisë.
