Gjatë një interviste televizive deputeti Edi Paloka është pyetur nëse do kandidojë për kreun e Partisë Demokratik. Paloka tha se do të mbështeste ish kryeministrin Sali Berisha përderisa ky i fundit kishte shpallur kandidaturën e tij. Por, gjithashtu nuk mohoi dëshirën dhe ambiciet që në të ardhmen të ishte drejtuesi i partisë së dytë më të madhe në vend.
“Për momentin PD-në e drejton Komisioni i Rithemelimit. E kam thënë edhe herë tjetër, përderisa Berisha ka shpallur se do kandidojë për kryetar të PD-së, unë në këtë rast do të isha në mbështetje të tij. Më vonë në situata të reja do të shohim, si çdo njeri tjetër që merret me politikë, edhe unë kam ambiciet e mia dhe do shohim nëse kontributi im do jetë i vlefshëm”, u shpreh Paloka. Në fund ai tha se po punon vetëm që PD të rikthehet forcë e parë sikur ka qenë ndër vite dhe të mos ketë më përçarje.
