Padrejtesi e blerë dhe drejtësi e vonuar*
Pas denoncimeve të vazhdueshme të Forumit “Djemtë e Gjinokastrës” në mediat e shkruara,drejtuar istitucioneve përgjegjëse vendore dhe qëndrore, ku kërkohej nga ne, në mënyrë ultimative heqjen e një fotoje të vendosur në muzeun e ri të përuruar në nëntor 2012 në stendën, ku tregohej historia e Gjinokastrës gjatë Luftës të Parë Botërore, askush nuk i dëgjoi apo vlerësoi thirrjet tona.
Kjo foto e vendosur vjedhurazi dhe e paguar nga qarqe të caktuara me dhrami fallco nën dorë konstruktorëve të këtij muzeu, nuk ishte gjë tjetër vetëm blerje e hapur dhe trasformim i historisë të krahinës tonë. Ne akuzojmë hapur konstruktorët e muzeut të ri në Gjinokastër për veprim korruptiv edhe antikombëtar, njëkohësisht edhe trasformim i historisë tonë të shenjtë. Ky muze glorifikoi, pikërisht ata të cilët 102 vjet më parë dogjën Gjinokastrën, Tepelenën, Pëmetin edhe gjithë jugun e Shqipërisë në emër të fesë apo ideologjive politike kriminale, të krijuara aty për aty në rrethana historike të caktuara.
Duke u bazuar në të drejtën tonë qytetare dhe patriotike, ne Forumi “Djemtë e Gjinokastrës” dhe Klubi i Patriotëve të Rinj mbështesim njëzëri heqjen e fotografisë që përkujton kriminelët ISIS-ian të 1914 nga një prej stendave të muzeut të ri të Gjinokastrës dhe vendosjen mbi fotografinë e turpit istitucional që filloi të “mbaj erë” më nëntor 2012 edhe që vazhdoi deri ditën e djeshme.
Ne vendosëm mbi aktin tradhëtor foto të kapedanëve të Gjinokastrës e Labërisë që 102 vjet më parë luftuan kundër atyre që masakruan popullin e jugut aktual të Shqipërisë.
Era e tradhëtisë dhe e korruspionit, megjithëse u denoncua nga ne për katër vjet, askush nuk veproi nga istitucionet, askush nuk e dëgjoi zërin e kapedanëve që nga thellësia e historisë të tyre të lavdishme i thërrisnin me mllef pasardhësve të tyre.
Kapedani i Kolonjës e Labërisë, Kamber Hoxha, kapedani i Golëmit, Sulo Beqiri gjithashtu Çerçiz Topulli, Selam Musai, Sali Vranishti, Sali Butka e të tjerë që dikur luftuan dhe mbrojtën popullin shqiptar nga sëpatat e shokëve të Zografos e Venizellosit, të cilët nuk e shikojnë veten në asnjë muze, ndërsa foto të bandave vendosen në muzet tona me një “fjongo dhramije” mbi të.
Në rast se dikush kërkon të lozë apo të blejë të sotmen apo të ardhmen tonë le ta bëjë po e lamë të gjithë ne, por nga e kaluara jonë legjendare hiqini duart o të babëzitur të pafe e të pa atdhe. Askush nuk do t’ju lejojë ta bleni apo trasformoni atë, as shpirtrat e luftëtarëve të dikurshëm, as dora dhe guximi i të rinjve që vendosi dje drejtësinë historike në vend, në Gjinokastër.
Keni tentuar në labidarin e hormovitëve të fshihni autorësinë duke blerë kryekomunarë apo gjetkë duke lënë në harresë rilindasit, por keni gjetur përballë jush të vendosur, Forumin “Djemtë e Gjinokastrës” që kurdoherë do t’ju bëhet digë, përpara lumenjve të tradhëtisë dhe harresës institucionale.
Më 28 tetor autobuz me shtetas grekë, të cilët nuk vizituan vetëm varrezat e ushtarëve grekë, por edhe këtë muze, edhe këtë stendë që glorifikonte krimenelët famëkeq ISISianë të 1914. Ka ardh’ koha që edhe vet populli vëlla grek të kuptojë edhe të dijë historinë e vërtetë e jo historinë e gatuar e të stisur nga kalendat shoviniste greke.
Ky është turpi më i madh, ku shikon që dikur histori tragjike dhe pas 102 vjetësh shndërohet komike në muze me stenda qesharake.
* Albi Koçi, përfaqësues i Forumit “Djemtë e Gjinokastrës”
