Janë divorcuar pas një lufte të gjatë ligjore ylli i kinematografisë amerikane Johnny Depp dhe aktorja Amber Heard
Pas 15 muajsh grindje mbi kushtet e divorcit, 53 vjeçari ka pranuar t’i paguajë ish bashkëshortes së tij një shumë prej 7 milionë dollarë, të cilën aktorja ka deklaruar se do t’i japë për bamirësi.
Sa i përket pjesës tjetër të pasurisë Depp do të mbajë koleksionin e makinave antike, disa prona në Los Angeles dhe Paris, si dhe ishullin e tij privat në Bahamas.
Ndërsa Heard ka mbajtur dy qentë e çiftit Pistol dhe Boo të cilët u bënë pjesë e një skandali në vitin 2015-të, pasi aktorja i mori ata në mënyrë ilegale nga Australia.
Depp dhe Heard u martuan para 18-muajsh me njëri-tjetrin dhe nuk kanë asnjë fëmijë së bashku.
