Ka shënuar një shifër rekord divorci i Jeff Bezos me bashkëshorten e tij MacKenzie. Çifti ka rënë dakord për një marrëveshje që kap shifrat e të paktën 35 miliardë dollarëve. Gjithashtu MacKenzie do të vazhdojë të ketë pjesën e saj prej 4% të aksioneve në kompaninë e ish-bashkëshortit të saj “Amazon”. 37 vjeçarja duket se do të mjaftohet me kaq, pasi do duhet të heqë dorë nga përqindjet që ka në gazetën “Washington Post” dhe firmën e udhëtimeve në hapësirë të Bezosit, “Blue Origin”. Megjithatë ajo do të mbajë statusin e femrës së 4 më të pasur në botë.
Divorci i njeriut më të pasur në botë, bëri bujë dhe për faktin se nisën aludime se kjo gjë mund të ndikonte tek kompania “Amazon”. Por me një postim në Twitter, Bezos tha se çdo gjë ishte mbyllur pa debate dhe me mirëkuptim, duke hedhur poshtë lajmin se ndarja do të ndikonte në kontrollin e biznesit të tij. Çifti ka 4 fëmijë. Historia e tyre e dashurisë nisi para se Bezos të themelonte “Amazon” në vitin 1994, ndërsa MacKenzie ishte një ndër pjesëtarët e parë të stafit të firmës “online”.
