Një 38-vjeçar është arrestuar mbrëmjen e djeshme nga policia e Divjakës pasi ka tentuar të vrasë me thikë një 60 vjeçar.
Ngjarja ka ndodhur në vendin e quajtur “Tregu i fruta perimeve” Divjakë. Pas një konflikti, Kujtim Ymeri ka tentuar të vrasë me thikë duke e qëlluar 3 herë shtetasin N.S, 60 vjeç, banues në lagjen Nr.2 në Divjakë.
Menjëherë në vendngjarje ka shkuar policia dhe falë veprimeve të shpejta bëri të mundur kapjen dhe arrestimin në flagrancë të autorit, 38-vjecarin Kujtim Ymeri, banues në fshatin Shën e Premte, Divjakë.
Ndërkohë 60-vjeçari N.S. mori ndihmën e nevojshme mjekësore dhe është jashtë rrezikut për jetën.
