Janë raportuar në Divjakë, dy raste të rënda të dhunës në familje. Burime zyrtare nga policia bëjnë me dije se paraditen e sotme u arrestua në flagrancë i riu me iniciale T. Rr., 35 vjeç, banues në Babunjë, Divjakë, pasi ka ushtruar dhunë fizike dhe psikologjike ndaj nënës së tij.
Po nga këto struktura u shpall në kërkim dhe po punohet për kapjen e të riut G. Gj., 37 vjeç, banues në Remas, Divjakë, pasi në kundërshtim me urdhërin e Gjykatës, ka ushtruar dhunë psikologjike ndaj ish-bashkëshortes së tij, e cila ishte e pajisur me urdhër mbrojtje.
