Çfarë duhet të bëni në Shën Valentin, nëse jeni një çift, por dashuria juaj jeton larg? Ja disa këshilla për të festuar me të dashurin/dashurën tuaj pavarësisht largësisë ditën e të dashuruarve.
Nga Enertila Bekteshi*
Dita e Shën Valentinit mund të festohet dhe të përjetohet shumë bukur për çiftet që jetojnë në të njëjtin qytet, por mund të kthehet në një ditë të pikëlluar dhe të dëshpëruar për ata që jetojnë në një histori dashurie në distancë. Duke mos qenë në gjendje të kalojnë së bashku festën e të dashuruarve, kjo mund të ndikojë në gjendjen shpirtërore, mund të shkaktojë nervozizëm dhe në disa raste, madje mund të çojë në grindje me partnerin. Megjithatë, ka mënyra të bukura dhe romantike për të festuar Ditën e Shën Valentinit nga distanca.
Ja këshillat e mia për të kaluar bukur me 14 shkurt, pavarësisht distancës.
- Dita e Shën Valentinit në distancë, dërgoni një dhuratë
Sigurisht, hapi i parë për të jetuar një ditë të veçantë të Shën Valentinit është t’i tregoni partnerit tuaj që e doni atë dhe se nuk e keni harruar atë, nndaj mënyra më e mirë është ta bëni këtë me një dhuratë. Distanca nga ky këndvështrim nuk është një pengesë, sepse ju mund të dërgoni dhuratën tuaj me internet dhe ta dërgoni direkt në shtëpinë e tij/saj.
- Dita e Shën Valentinit në një distancë, darkë në video–chat
Mund të duket një ide absurde, por imagjinoni sa kënaqësi do të ishte të organizohej një darkë në video-chat me të dashurin tënd. Sigurohuni që të jeni dakord me ngjyrën e mbulesës dhe menunë. Ju do të hani të njëjtat gjëra, në një tavolinë të vendosur identike, me një qiri në qendër, dhe do mund të bisedoni me njëri-tjetrin. Mos harroni të vendosni të njëjtën muzikë në sfond dhe natyrisht, të visheni mirë për darkën tuaj romantike me qirinj. Sigurisht, ai nuk do të jetë në gjendje të marrë dorën tuaj ose të prekë këmbën tuaj, por atmosfera e krijuar do t’u japë ndjesinë e të qenit afër dhe bashkë.
- Dita e Shën Valentinit nga një distancë, shikoni yjet
Nëse ju dhe partneri juaj jeni me të vërtetë romantikë, kaloni mbrëmjen e Shën Valentinit në telefon, përpara dritares, duke shikuar yjet. Pamja do të jetë e njëjtë për të dy, megjithëse kilometra e kilometra ju ndajnë. Ju mund të kërkoni konstelacione së bashku dhe të prisni për të parë të njëjtin yll të bjerë për të shprehur dëshira së bashku, apo duke i menduar për t’i realizuar ato sa më shpejt të jetë e mundur.
- Dita e Shën Valentinit në distancë, shkruani një letër
Ju dhe i dashuri juaj gjithmonë dëgjoheni me telefon, ose përmes postës elektronike, por partneri/partnerja juaj do të habitej, nëse do të gjejë në adresen e tij një letër të shkruar prej jush. Kthehuni prapa në mënyrat e vjetra: hiqni teknologjinë për disa orë, merrni një stilolaps dhe kartë dhe filloni të shkruani letrën tuaj. Shpesh, kur shkruani, keni më pak pengesa, mund të shprehni ndjenjat më të mira, me fjalët e duhura. Shkruani, mbyllni dhe dërgoni, Nëse ju pëlqen, ju gjithashtu mund të propozoni një lloj loje romantike atij, duke i kërkuar atij që të shkruajë një letër dhe ta dërgojë.
- Dita e Shën Valentinit, vizitë e pa njoftuar
Nëse qëllimi juaj është të habitni me diçka që partneri/partnerja juaj nuk e pret, me diçka për t’ju kujtuar Ditën e Shën Valentinit, mos i thoni asgjë atij/asaj dhe organizojeni një udhëtim për ta vizituar atë në qytetin e tij/e saj. Në mëngjesin e Ditës së Shën Valentinit ju mund të shkoni në shtëpinë e tij/e saj, ose në punë, në universitet ose shkollë. Sillni me vete sigurisht edhe një dhuratë.
* Enertila Bekteshi është psikologe
