Pas tërmetit tragjik në Shqipëri, një gjest i mrekullueshëm solidariteti është dedikuar nga qyteti i Novarës, ku kupola e San Gaudenzio u ndriçua tre netë rresht me ngjyrat kuqezi të flamurit shqiptar.
Kryebashkiaku Canelli është shprehur se kjo bëhet në shenjë solidariteti me tragjedinë natyrore që ka prekur Shqipërinë më 26 nëntor me tërmetin 6.4 ballësh. “Një gjest afërsie me një komunitet që po vuan”, ka thënë Canelli.
Sot është dita e fundit kur kjo kupolë do të ketë ngjyrat e flamurit tonë. Siç duket edhe në videon e mëposhtme, Kupola e San Daudenzios ngjan si në “flakë” nga e kuqja.
