Përfshihet nga flakët një automjet mëngjesin e sotëm në Kamzë. Për pasojë janë dëmtuar dhe dy makina të tjera që ndodheshin të parkuara afër.
Dyshohet se shkak për këtë ngjarje është bërë një defekt në pjesën e motorit.
“Më datë 28.11.2022, rreth orëve të para të mëngjesit, në rrugën “Donald Trump”, ka marrë flakë dhe është djegur plotësisht, dyshohet si pasojë e një defekti në pjesën e motorit, automjeti (gaz-benzinë) në pronësi të shtetasit D. M.
Si pasojë janë dëmtuar pjesërisht dy mjete të tjera, të cilat ndodheshin të parkuara afër këtij mjeti. Paraprakisht dyshohet se është ngjarje aksidentale dhe grupi hetimor po punon për sqarimin e rrethanave të ngjarjes”, njofton policia.
