Vijon të jetë në shifra të ulëta bilanci ditor i infektimeve me koronavirus në vendin tonë.
Ministria e Shëndetësisë bën me dije se nga 569 testime të kryera gjatë 24 orëve të fundit, vetëm 37 prej tyre kanë rezultuar pozitive ndërkohë që sërish nuk ka humbje jete si pasojë e virusit.
Aktualisht, 3 pacientë po marrin trajtim më të specializuar në spitalin infektive, teksa në Elbasan dhe Dibër nuk ka asnjë rast aktiv me koronavirus.
“Në 24 orët e fundit: Janë kryer 569 testime, nga të cilat kanë rezultuar pozitivë me COVID19, 37 qytetarë, në Bashkitë: 16 në Tiranë, 5 në Durrës, 3 në Përmet, nga 2 qytetarë në Tropojë, Fier, Sarandë, Kuçovë, nga 1 qytetarë në Shkodër, Lezhë, Rrogozhinë, Patos, Tepelenë. Janë 189 qytetarë aktivë me Covid19 në të gjithë vendin. Aktualisht në Spitalin Infektiv po marrin trajtim 3 pacient. Në 24 orët e fundit nuk ka asnjë humbje jete me SarsCov2. Janë shëruar 15 qytetarë gjatë 24 orëve të fundit, duke e çuar numrin e të shëruarve në 329,093 që nga fillimi i epidemisë”, njofton MSH.
Shpërndarja gjeografike e rasteve aktive sipas qarqeve:
- Tiranë 128
- Fier 17
- Durrës 14
- Gjirokastër 8
- Berat. 7
- Vlorë 7
- Kukës. 3
- Lezhë 2
- Shkodër 2
- Korçë 1
The post Dibra dhe Elbasani ‘të pastër’ nga Covid, 37 të infektuar në 24 orë appeared first on 27.
