Doktoresha endokrinologe në Spitalin Amerikan 1, Etleva Gjoshe është shprehur se agjërimin mund ta mbajnë të gjithë personat që nuk janë shumë të rrezikuar nga shëndeti.
Në një bisedë për emisionin “ABC-ja e Mëngjesit”, doktoresha ka theksuar se përjashtim nga personat që duhet të mbajnë agjërim, janë të moshuarit dhe diabetikët të cilët kanë dhe sëmundje të tjera shoqëruese.
“Një pjesë e diabetikëve mund ta mbajnë agjërim në varësi të këshillimit dhe në funksion të rrezikshmërisë që paraqesin. Vetëm gratë shtatzënë me diabet nuk mund të mbajnë diabet ndërsa personat e tjerë dhe në funksion të grupit që janë mund të mbajnë agjërim. Diabeti është një sëmundje në rritje, që do të thotë se një nga 10 veta ka diabet. Diabeti është disa llojesh. Grupet që janë të këshilluar të mos mbajnë agjërim janë personat e vjetër në moshë, ato që nuk kanë asnjë që nuk kanë asnjë person që mund të kujdeset. Rreziku që ka periudha e agjërimit është se mund të kesh periudha të uljes së agjerimit ndaj vlen që para kësaj periudhe pacientët diabetik duhet të ketë një këshillim me mjekët”, është shprehur doktoresha.
Ndër të tjera mjekja është shprehur se është e rëndësishme që të sëmurët me diabet është e rëndësishme që para nisjes së agjërimit të këshillohen me mjekun, në mënyrë që të marrin dhe këshillat e duhura që ju duhet në kuadër të vendosjes së kurës mjekësore.
