Inspektorati Kombëtar i Mbrojtjes së Territorit (IKMT) ka nisur mëngjesin e sotëm aksionin për shembjen e restorantit “Panorma”, pronë e Mihal Kokëdhimës, që u arrestua pasi dhunoi turistët spanjollë.
Mësohet se restoranti i Mihal Kokëdhimës ka qenë një ndërtim pa leje.
“Panorma”… për pak brenda normave…”, shkruan IKMT teksa poston edhe një video të aksionit që po bëhet për shembjen e ndërtimit pa leje.
Sipas IKMT nuk ka pasur rezistencë nga familjarët, ndërkohë që vetë pronari Mihal Kokëdhima ndodhet në arrest me burg, pas gjithë asaj që ndodhi me turistët spanjollë, dhe videos që bëri xhiron e rrjeteve, teksa ai mbi makinën e tyre në ecje rreth 3 km thyeu xhamin dhe kërkonte të ndalonin.
