Policia e Tiranës ka vënë sërish në pranga Denis Telon, pasi akuzohet se ka dhunuar fizikisht dy vajza në rrugë. Ngjarja ndodhi ditën e djeshme ku në një video të regjistruar nga kamerat e sigurisë, shihet 30-vjeçarin, duke dhunuar dy aktivistet e Organizatës Politike Albina Ruko dhe Mirela Ruko.
Sipas policisë, i riu i ka goditur vajzat pa arsye. Mësohet se Telo është arrestuar dhe herë të tjera për të njëjtën vepër penale, ndërsa në media qarkullojnë lajmet se ai vuan nga probleme të shëndetit mendor.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.
