Futbollisti spanjoll, Dani Olmo, i cili është duke pushuar në Valencia, ka rënë viktimë e një grabitjeje. Grabitësit e kanë pritur lojtarin e Leipzigut dhe skuadrës spanjolle në dalje të një qendre estetike dhe e kanë sulmuar në rrugë, duke i marrë me dhunë një orë e cila kushton 30 mijë euro.
Vëllai i Dani Olmos, i cili ishte me të është përpjekur ta parandalonte grabitjen, por është plagosur kur tentoi të parandalonte arratisjen e hajdutëve me makinë. Pas përplasjes, ai është detyruar të marrë trajtim mjekësor për shkak të plagave të shkaktuar nga grabitësit.
Grabitja e dhunshme e lojtarit ka ndodhur të premten në mes të rrugës, kur mesfushori spanjoll po largohej me vëllanë nga qendra estetike.
