Një ngjarje e rëndë ka ndodhur në Elbasan ku një 52-vjeçare me emrin Fatbardha Likarma ka vrarë veten duke u hedhur nga kati i tretë i pallatit në lagjen ‘Vullnetari’
Mësohet se gruaja kishte bërë një denoncim më herët për dhunë në familje, pasi dhunohej nga burri dhe vjehrra, por neglizhenca e policisë bëri që kjo e fundit në gjendje të rënduar psikologjike t’i japë fund jetës.
Mësohet se, mbrëmë policia shkoi në banesë pas denoncimit nga gruaja, por nuk mori masa në lidhje me ngjarjen. Natën e mbrëmshme ajo e kaloi tek e motra, ndërsa vetëm sot mori vendimin drastik për t’i dhënë fund jetës.
Familjarët e saj janë të ngarkuar psikologjikisht pas ngjarjes së rëndë dhe kërcënojnë vjehrrën e Fatbardha Likarmës. Ajo banonte në katin e parë të pallatit dhe kishte tre fëmijë.
