Presidenti i Ekuadorit Daniel Noboa deklaroi për BBC-së se dhuna e bandave që shpërtheu në mënyrë dramatike këtë javë në vendin e tij është një problem për të gjithë botën. Presidenti më i ri i Ekuadorit ka marrë këtë detyrë që prej nëntorit, por tani ai po përballet me krizën më të madhe të vendit në historinë e tij moderne. Në ditët e trazirave dy liderë bandash u arratisën nga burgu, rojet e burgut mbaheshin peng dhe pajisje shpërthyese u vendosën në një numër qytetesh anembanë vendit.
Më pas, një ditë pasi Noboa shpalli gjendjen e jashtëzakonshme, njerëz të armatosur hynë në studiot e televizionit TC në Guayaquil, duke kërcënuar stafin me armë teksa ishin drejtpërdrejt në transmetim. Duke folur për BBC gjatë vizitës së tij të parë në Guayaquil që nga dhuna, presidenti pranoi se puna që e priste atë për të rivendosur paqen në vend ishte e frikshme. “Ne nuk mund të vazhdojmë me këtë lojë që këto grupe terroriste po përpiqen të krijojnë.”, tha ai. Ai pohoi mes të tjerash se ndryshime janë duke u bërë. Që nga shpërfaqja e dhunës, ai ka deklaruar se kombi i Andeve është në një “konflikt të armatosur të brendshëm” me bandat e fuqishme të drogës që kontrollojnë tregtinë e kontrabandës së kokainës.
Ai ka urdhëruar ushtrinë e tij që të “neutralizojë” 22 grupe të armatosura, të cilat i ripërcaktoi si organizata terroriste. Uashingtoni po ofron ndihmën e tij. Një delegacion i personelit të zbatimit të ligjit, ushtarak dhe diplomatik të SHBA-së do të mbërrijë në Ekuador në javët e ardhshme. Kritikët e tij e shohin të panevojshme ndërhyrjen e SHBA-së në lojë, por presidenti Noboa e përshëndet masën. “Është inkurajuese të shohësh komunitetin ndërkombëtar duke i kushtuar vëmendje asaj që po ndodh këtu.”, tha presidenti. “Kjo krizë prek të gjithë botën. Narko-terroristët që veprojnë këtu kanë operacione në Evropë, në SHBA. Ne duhet ta zgjidhim problemin nga rrënjët.”, shton ai.
Presidenti i Ekuadorit Daniel Noboa deklaroi për BBC-së se dhuna e bandave që shpërtheu në mënyrë dramatike këtë javë në vendin e tij është një problem për të gjithë botën. Presidenti më i ri i Ekuadorit ka marrë këtë detyrë që prej nëntorit, por tani ai po përballet me krizën më të madhe të vendit në historinë e tij moderne. Në ditët e trazirave dy liderë bandash u arratisën nga burgu, rojet e burgut mbaheshin peng dhe pajisje shpërthyese u vendosën në një numër qytetesh anembanë vendit.
Më pas, një ditë pasi Noboa shpalli gjendjen e jashtëzakonshme, njerëz të armatosur hynë në studiot e televizionit TC në Guayaquil, duke kërcënuar stafin me armë teksa ishin drejtpërdrejt në transmetim. Duke folur për BBC gjatë vizitës së tij të parë në Guayaquil që nga dhuna, presidenti pranoi se puna që e priste atë për të rivendosur paqen në vend ishte e frikshme. “Ne nuk mund të vazhdojmë me këtë lojë që këto grupe terroriste po përpiqen të krijojnë.”, tha ai. Ai pohoi mes të tjerash se ndryshime janë duke u bërë. Që nga shpërfaqja e dhunës, ai ka deklaruar se kombi i Andeve është në një “konflikt të armatosur të brendshëm” me bandat e fuqishme të drogës që kontrollojnë tregtinë e kontrabandës së kokainës.
Ai ka urdhëruar ushtrinë e tij që të “neutralizojë” 22 grupe të armatosura, të cilat i ripërcaktoi si organizata terroriste. Uashingtoni po ofron ndihmën e tij. Një delegacion i personelit të zbatimit të ligjit, ushtarak dhe diplomatik të SHBA-së do të mbërrijë në Ekuador në javët e ardhshme. Kritikët e tij e shohin të panevojshme ndërhyrjen e SHBA-së në lojë, por presidenti Noboa e përshëndet masën. “Është inkurajuese të shohësh komunitetin ndërkombëtar duke i kushtuar vëmendje asaj që po ndodh këtu.”, tha presidenti. “Kjo krizë prek të gjithë botën. Narko-terroristët që veprojnë këtu kanë operacione në Evropë, në SHBA. Ne duhet ta zgjidhim problemin nga rrënjët.”, shton ai.
