Ekipet e kërkim-shpëtimit nga Shqipëria, Kosova, Greqia, Franca, Kroacia dhe gjithë rajoni e Evropa vijojnë pa ndërprerë aksionet nën rrënojat e Durrësit dhe Thumanës.
Tërmeti me pasoja tragjike ka bërë bashkë të gjithë shqiptarë e të huaj të cilët janë solidarizuar duke i ardhur në ndihmë familjeve të goditura nga tërmeti. Një foto sa prekëse aq edhe shpresëdhënëse është ajo e një ushtari serb dhe të FSK, që janë bërë bashkë dorë më dorë në operacionin e kërkim-shpëtimit në Thumanë. Kjo tregon edhe njëherë se dhimbja na bashkon pavarësisht barrierave të krijuara dhe ndasive.
Ndërkohë gjatë orëve të para të mëngjesit, përkatësisht rreth orës 04:00, ata kanë nxjerrë nga rrënojat e Thumanës tre trupa të tjerë të pajetë, duke e çuar numrin e tragjedisë në 39 viktima./abcnews.al
