Dhënia e Butrintit me koncesion nga qeveria, ka shkaktuar një reagim të fortë nga publiku. Shoqëria civile ka mbajtur një proteste pranë ambienteve të Parkut Kombëtar të Butrintit duke kundërshtuar projektin e qeverisë shqiptare.
Lajmi se Butrinti do të jepet me koncesion nga qeveria shqiptare ndaj fondacionit Amerikano-Shqiptar ka sjellë një reagim të ashpër në publik. Shoqëria Civile ka bërë një protestë pranë ambienteve të Parkut Kombëtar të Butrintit.
Një nga aktivistët, Aulon Kalaja deklaroi se Shoqeria Civile po e ndjek çështjen në dy pikëpamje, e para është sipas tij sfida publike që po bëjnë për sensibilizimin e publikut dhe e dyta është goditja përmes Gjykatës Kushtetuese.
“Së pari ne kundërshtojmë projektin për Butrintin. Do ti jepet një privati. Do të jepet me koncension Butrinti. Prandaj jemi sot këtu për ta denoncuar. Sovraniteti i Butrintit ka rënë që nga dita e hënë dhe situata duket e zezë por ne kemi shpresë sepse kemi marrë një studio ligjore me 7 avokat të cilët po punojnë fuqishëm duke mbledhur argumenta dhe për ta goditur këtë ligj në Gjykatën Kushtetuese”, deklaroi midis të tjerave Kalaja.
